Human sa kapin 12 ka tuig, natuman na ang warrant of arrest batok sa usa ka 42-anyos nga lalaki nga giatubang ang kasong estafa sa San Carlos City, Negros Occidental, human siya madakpan sa Trece Martires City, Cavite niadtong Oktubre 25, 2026.
Giila ang suspek sa alyas “Paul,” nga gidakop sa Tracker Team sa San Carlos City Component Police Station pasado alas-12:22 sa udto samtang anaa sa kustodiya sa Trece Martires Component City Police Station sa Barangay Gregorio.
Ang warrant giisyu niadtong Hunyo 30, 2014 sa Municipal Trial Court in Cities sa San Carlos City, kalabot sa Criminal Case No. 2013-29, nga adunay girekomendang piyansa nga ₱6,000.
Human sa pagpatuman sa warrant, gipahibalo ang suspek sa iyang mga katungod ubos sa Miranda Doctrine ug Anti-Torture Law. Magpabilin siya sa kustodiya sa Trece Martires CCPS tungod usab sa laing kaso nga iyang giatubang, sumala sa report.
Ang operasyon gipahigayon sa San Carlos City CCPS uban sa suporta sa Trece Martires CCPS, ug girekord pinaagi sa Body-Worn Camera ug Alternative Recording Device.
Photo source: San Carlos CCPS
