Gipas-an karon sa mga mag-uuma sa Compostela, Davao de Oro, ang grabeng epekto sa El Niño, diin ang padayong kakulang sa ulan ug tubig naghulga sa ilang mga pananom ug panginabuhian, dugang sa dakong kadaot nga naitala sa sektor sa agrikultura sa tibuok probinsya.
Sumala ni Provincial Agriculture Office (PAGRO) Head Ronald Sibayan, mokabat na sa ₱672 milyon ang gibanabanang kadaot sa agrikultura, diin mokabat sa 3,000 ka ektarya sa mga umahan ang naapektuhan sa hulaw.
Tungod niini, nag-andam ang probinsyal nga panggamhanan og rehabilitasyon nga plano aron matabangan ang mga mag-uuma nga makabangon sa epekto sa El Niño ug mabalik ang ilang panginabuhian.
