Nasikop sa mga otoridad ang usa ka indibidwal atol sa gikasa nga operasyon didto sa Sitio Tawid, Brgy. Taytayan, Cateel, Davao Oriental pasado ala 1:00 sa milabay nga hapon.
Ang operasyon gihimo sa mga personahe sa Cateel Municipal Police Station kauban ang PIU DOPPO ug lain pang mga law enforcement units nga miresulta sa pagkasikop ni alyas “NINO”, 55 anyos, usa ka Other Wanted Person ug residente sa maong lugar.
Ang suspek nadakpan pinaagi sa pagpatuman sa warrant of arrest alang sa kasong Qualified Theft nga giisyu sa korte ug adunay pyansang girekomendar nga mukabat sa Php 40,000.00 alang sa iyang temporaryong kagawasan.
Human sa pagdakop gipahibalo ang akusado sa iyang mga katungod ug dayong gidala sa kustodiya sa Cateel Municipal Police Station alang sa hustong dokumentasyon ug tukmang disposisyon.
