Gipakusgan sa Police Regional Office 11 ang ilang kampanya batok sa ilegal nga droga pinaagi sa pagpahigayon ug mga operasyon nga miresulta sa pagkasikop sa 14 ka indibidwal.
Sumala sa ulahing datos sa PRO 11, nakasakmit sila ug ilegal nga droga nga gibana banaang adunay Standard Drug Price nga PhP 1,646,850.00. Samtang gipasalig usab sa kapulisan nga padayon ang ilang pakigbatok sa ilegal nga droga pinaagi sa gipakusog nga mga operasyon ug pagdakop sa mga gidudahang nalambigit niini.
Matod pa ni Acting Regional Director PBGEN BENIGNO L. GUZMAN ang kamahinungdanon sa padayon nga intelligence-driven operation nahimong epektibo ug nagpakgang sa mga ilegal nga patigayon sa droga.
Samtang gipasalig usab sa PRO 11 nga padayon ang ilang mga paningkamot sa pagsulbad sa mga krimen ug gi-awhag ang publiko nga mureport sa mga otoridad kung adunay kadudahang kalihokan sa lugar.
