Nagbukas og bag-ong oportunidad sa eksport sa Pilipinas ang unang pagpadala og duha ka container sa buko o batan-ong lubi ngadto sa Liberia, pinaagi sa panag-uban sa Department of Agriculture ug Avante Agri-Products Philippines Incorporated nga nakabase sa Davao City.
Sumala sa report sa The Philippine Business and News niadtong Oktubre 26, lakip sa tumong sa maong inisyatiba ang pagpalapad sa merkado sa lokal nga produktong agrikultural ngadto sa ubang nasud.
Gilaoman nga makatabang kini sa pagpalambo sa industriya sa lubi ug paghatag og dugang oportunidad sa mga mag-uuma ug negosyanteng Pilipino.
Importante ang pagpangita og bag-ong merkado alang sa mga produktong agrikultural aron mapalapad ang halin ug mapalig-on ang panginabuhian sa sektor sa agrikultura.
Padayon usab ang paningkamot sa Pilipinas nga mapataas ang kompetisyon sa lokal nga mga produkto sa internasyonal nga merkado.
Photo courtesy: DA
