Pormal nang giablihan gisugdan ang Abunda Festival nga gipahigayon sa FGR Mati Park and Baywalk sa Barangay Central, Mati City, isip kabahin sa mga kalihokan alang sa selebrasyon sa Sambuokan Festival.
Ang maong kalihokan gipangunahan ni Mati City Mayor Joel Mayo Almario, uban sa mga konsehal sa dakbayan, diin gisugdan ubos sa temang “Bahandi sa Dagat ug Yuta, Panaghiusa ug Kalambuan, Kalipay Para sa Tanan,” nga gitambongan sa mga mag-uuma ug mga mananagat.
Kabahin sa maong kalihokan ang nagkadaiyang padula ug aktibidad alang sa mga mag-uuma ug mananagat, isip paghatag og higayon nga sila usab makapahimulos ug mahimong kabahin sa pagsaulog sa pista.
Samtang, gipalig-on sa lokal nga pangagamhanan ang pag-apil ug paghatag og suporta sa mga mag-uuma ug mananagat, nga dakong bahin sa ekonomiya ug panginabuhian sa dakbayan sa Mati.
