Gipakusgan sa Police Regional Office 11 ang ilang kampanya kontra sa kriminalidad pinaagi sa nagkadaiyang operasyon nga gipahigayon gikan alas 6:00 sa buntag niadtong Oktubre 24 hangtod alas 5:59 sa buntag niadtong Oktubre 25, 2026.
Sa kampanya batok sa ilegal nga droga, nakapatuman ang kapulisan og 13 ka operasyon nga miresulta sa pagkasikop sa 16 ka mga suspek ug pagkakumpiska sa 64.13 gramos sa gituohang shabu nga adunay gibanabanang kantidad nga P436, 084.00.
Samtang, sa padayong pagtugis sa mga wanted nga indibidwal, nakahimo ang kapulisan og 10 ka operasyon nga miresulta sa pagkadakop sa lima ka municipal wanted persons ug lima usab ka laing wanted persons.
Dugang pa niini, gipakusgan usab sa PRO 11 ang pagpatuman sa mga operasyon batok sa smuggling, loose firearms, illegal logging, illegal fishing, illegal gambling, ug city ordinances.
Photo courtesy: PRO 11
