Balhog sa prisohan ang usa ka lalaking pintor human nadakpan sa mga otoridad atol sa gilusad nga drug buy bust operation didto sa Brgy. Leon Garcia, Davao City sayo sa buntag niadtong milabay nga adlaw.
Ang operasyon gihimo sa Station Drug Enforcement Unit sa Police Station 18 – Bajada nga nagresulta sa pagkasikop ni alyas nga “Boy” ug nakuha gikan kaniya ang mga gituohang illegal nga droga uban sa buy bust money.
Human sa pagdakop gipahibalo ang akusado sa iyang mga katungod pinaagi na sa pinulongan ang iyang nasabtan ug nahibal-an subay sa balaod. Sa pagkakaron gikustodiya ang dinakpan sa Police Station 18 – Bajada ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Sumala pa sa kapulisan nga padayon nilang paglig-onon ang kampanya kontra illegal nga droga aron masiguro nga luwas ug malinawon ang komunidad.
Photo courtesy: DCPO
