Gipahigayon sa Department of Social Welfare and Development (DSWD) 4Ps Davao de Oro Provincial Operations Office ang school-based orientation ug validation alang sa Enhanced Support Services Intervention (ESSI) sa Legacy College of Compostela ug Kolehiyo ng Pantukan ning bag- ohay lang.
Gipangunahan sa mga Provincial Technical Officer, kauban ang mga kawani sa Municipal Operations Office, ang dungan nga kalihukan aron ipasabot sa mga kwalipikadong anak sa benepisyaryo sa 4Ps nga nag-eskwela sa maong mga institusyon ang upat ka matang sa support packages ubos sa ESSI.
Gipahigayon usab ang validation aron masiguro ang ilang kwalipikasyon sa pagdawat sa maong tabang. Gitabangan usab ang mga estudyante sa pag-abli sa ilang gustong transaction account, sama sa Land Bank of the Philippines (LBP) VISA Basic Deposit Account (BDA) o fully verified mobile wallet sama sa GCash ug Maya, aron mapadali ang pagdawat sa ESSI assistance.
Pinaagi niini, gipalig-on sa DSWD 4Ps ang paghatag og suporta sa edukasyon ug ang pagpalapad sa oportunidad sa mga estudyanteng benepisyaryo nga makapadayon sa ilang pagtuon ug makab-ot ang ilang mga pangandoy.
