Patay ang usa ka lalaki nga giilang si alyas “Ferds,” hingkod angf panginadaron, adunay live-in partner ug residente sa Barangay Tabu, Dulag, Leyte, samtang naangol ang laing drayber nga giilang si alyas “Ben,” 30-anyos, minyo, self-employed ug residente sa Barangay San Jose, Dulag, Leyte human magsungag ang duha ka motorsiklo didto sa Barangay Tabu, Dulag, Leyte, pasado alas 8:40 sa buntag niadtong nakalabay nga adlaw.
Base sa inisyal nga imbestigasyon, mitabok sa kalsada ang motorsiklo nga gimaneho ni alyas “Ferds,” hinungdan sa pagkabangga niini sa motorsiklo nga gimaneho ni alyas “Ben,” nga nagbiyahe gikan sa Burauen, Leyte padulong sa sentro sa lungsod sa Dulag.
Gidala si alyas “Ferds” sa Dulag Rural Health Unit (RHU), diin siya gideklarang dead on arrival sa doktor. Samtang, gidala si alyas “Ben” sa Eastern Visayas Medical Center (EVMC) pinaagi sa Dulag Emergency Response and Rescue Unit alang sa medikal nga pagtambal.
Samtang, ang duha ka motorsiklo anaa na sa kustodiya sa Barangay Tabu samtang nagpadayon ang imbestigasyon sa insidente.
