Gipasabot ni Board Member Cris Caballero, nga nangulo sa Gender and Development (GAD), ang kamahinungdanon sa pagtinahuray ug pagrespeto sa matag usa isip usa sa mga tumong sa maong programa.
Kini ang napadayag ni Caballero atol sa pagbisita sa Juander Radyo News Team sa iyang opisina sa Kapitolyo, Barangay Cabidianan, Nabunturan, Davao de Oro, kagahapong adlawa, Oktubre 26, 2026.
Matod pa sa maong opisyal, dili lamang kababayen-an ug mga bata ang sakop sa pagpanalipod ubos sa GAD program, kondili apil usab ang mga kalalakin-an.
Gipasiugda usab niya ang pagrespeto sa katungod sa matag indibidwal ug ang pagsunod sa balaod, nga maoy usa sa mga importanteng pundasyon sa pagpalambo sa patas ug malinawon nga katilingban.
