Nidaog ang beteranong lider nga si Luiz Inácio Lula da Silva sa iyang ikaupat nga termino isip presidente sa Brazil human iyang gipilde ang kaatbang nga si Senator Flávio Bolsonaro sa usa ka hugot nga run-off election.
Nakuha ni Lula ang kapin sa 51 porsiyento sa kinatibuk-ang mga boto batok sa kapin 48 porsiyento ni Bolsonaro, diin nagtimaan kini sa usa ka makasaysayanong pagbawi sa mga boto human siya napildi sa unang hugna sa piniliay.
Magsugod ang bag-ong termino sa 80-anyos nga lider sa Enero 5, 2027, taliwala sa mga geopolitical nga hagit ug ang gilaumang bugnaw nga pagtagad gikan sa administrasyon ni US President Donald Trump.
Bisan pa sa nagpadayong pagkabahin sa nasod ug ang pagdomina sa partidong Liberal Party sa Kongreso, giselebrar sa mga grupo sa kalikopan ang iyang kadaugan tungod sa pasalig ni Lula sa pagpanalipod sa kagubatan sa Amazon ug pagpatuman sa katarungan para sa tanan.
Photo courtesy:Wikipedia
