Kapin 100,000 yuan o katumbas sa halos 945 mil ka pesos matag bulan ang kita sa duha ka scratching salon sa Shenzhen, China, diin ang serbisyo mao ang hinay-hinay nga pagkatol sa lawas aron makatabang sa pagpahayahay sa mga kustomer.
Nakahimo sa ideya ang tag-iya niini nga si Zhang Xiaochao, 32 anyos, human makakita og video online sa usa ka tawo nga nagkatol sa likod sa iyang kapikas. Nahinumdom usab siya nga ganahan siyang katol-katulon sa iyang amahan sa likod sukad pa sa pagkabata, ilabina kon matulog na.
Gisugdan ni Zhang ang negosyo niadtong Mayo human mapakyas ang iyang miaging negosyo. Sa iyang salon, mohigda ang mga kustomer samtang ang mga trabahante nga nagsul-ob og plastik nga mga kuko maoy hinay-hinay nga mokatol sa ilang lawas.
Ang bayad mokabat sa 300 yuan o kapin 2,500 pesos matag oras. Tumong sa serbisyo nga makatabang sa pagpahayahay sa mga kustomer ug pagpakunhod sa ilang stress. Tungod sa pagdako sa negosyo, plano ni Zhang nga mag-abli pa og 100 ka sanga sa nagkalainlaing bahin sa China.
Photo courtesy: Knowledge Observer
