Nadakpan sa checkpoint sa Bago City ang tulo ka lalaki nga giingong mipusil-patay sa usa ka residente sa San Enrique, Negros Occidental, human sa hot pursuit operation sa kapulisan niadtong Lunes sa hapon, Oktubre 26, 2026.
Giila ang biktima nga si Elmor Laurineo, residente sa Barangay Baliwagan, San Enrique. Sumala sa report, makatulo ka higayon siyang gipusil sa mga suspek sa Barangay Bagonawa sa maong lungsod, sa wala pa sila mikalagiw padulong sa Bago City.
Giila ang mga dinakpan nga sila Chrison Bontigao, Marlon Barcuma ug Kin Mark Lasco, pawang residente sa Bacolod City.
Narekober sa ilang sakyanan ang duha ka 9mm nga armas, 27 ka bala, mga magasin, usa ka basiyo sa bala ug uban pang ebidensiya. Gidala ang tulo sa San Enrique Municipal Police Station alang sa dugang imbestigasyon ug tukmang legal nga proseso.
Photo courtesy: wikipedia
