Posibleng moabot pa sa Disyembre ang impeachment trial ni Vice President Sara Duterte tungod sa pagpresentar sa kampo sa bise presidente sa ilang mga ebidensiya ug sa iskedyul sa Senado alang sa paghisgot sa 2027 national budget.
Kini ang gipadayag ni Senate President Sherwin Gatchalian niadtong Martes, Oktubre 27. Gilaom nga ipadayon ang mga pagdungog sa impeachment court sa Nobyembre 9.
Matud ni Gatchalian, wala pa makapresentar ang kampo ni Duterte sa ilang mga ebidensiya ug testigo. Busa, kinahanglan una nga paminawon sa impeachment court ang depensa sa dili pa mohimog konklusyon sa kaso. Usa usab sa mga hagit sa Senado ang pagbalanse sa impeachment trial ug sa deliberasyon sa nasudnong badyet alang sa 2027.
Base sa gisugyot nga iskedyul, unahon ang impeachment proceedings sa dili pa mopahulay ang Senado sulod sa usa hangtod duha ka semana aron mahatagan og panahon ang plenary deliberations sa badyet. Human niini, posibleng ipadayon pag-usab ang trial kon wala pa mahuman ang presentasyon sa depensa.
Nakasentro ang nahibiling impeachment charge sa alegasyon sa wala mapatin-aw nga bahandi, human gidawat sa impeachment court ang pag-atras sa prosekusyon sa tulo sa upat ka impeachment articles.
Photo courtesy: DW.com
