Nagpahigaon og pagbansay ang Overseas Workers Welfare Administration (OWWA) Regional Welfare Office XII bahin sa luwas nga pagdumala ug paggamit sa mga kemikal ug abono sa agrikultura alang sa 43 ka miyembro sa Wadya OFW Association sa Banisilan, Cotabato niadtong Oktubre 26.
Atol sa Techno-Transfer Training on Safety Handling of Chemicals and Fertilizers, gipaambit ni UltraPak Technician Joe-Am Manlapao sa ADM ang hustong pamaagi sa pagdumala sa mga abono ug uban pang suplay nga kasagarang gigamit sa panginabuhian nga nagsalaig sa agrikultura.
Gipasiugda usab ni Agriculturist Charles Joseph Follosco sa Fertilizer and Pesticide Authority ang kamahinungdanon sa pagsunod sa mga protocol sa kaluwasan aron malikayan ang aksidente, mga peligro sa panglawas ug polusyon sa kinaiyahan tungod sa sayop nga paggamit sa mga kemikal.
Gipahigayon ang pagbansay sa koordinasyon sa lokal nga pangagamhanan sa Banisilan aron madugangan ang kahibalo ug kahanas sa mga miyembro alang sa mas luwas ug malungtarong panginabuhian.
Padayon nga gisuportahan sa OWWA aron mapalambo ang panginabuhian ug mga oportunidad alang sa mga overseas Filipino worker o OFW ug sa ilang mga pamilya.
