Arestado sa kapulisan ang usa ka 27-anyos nga lalaki nga apil sa Top 3 City-Level Most Wanted Person sa Kidapawan City tungod sa kasong statutory rape, niadtong nakalabay nga adlaw.
Nadakpan ang suspek sa Datu Icdang Street, Barangay Poblacion, pinaagi sa hiniusang operasyon sa Kidapawan City Police Station ug ubang police units sa Cotabato Province, subay sa warrant of arrest nga gipagawas sa Regional Trial Court Branch 61 sa Kidapawan niadtong Abril 22, 2026.
Sumala sa Police Regional Office 12, walay girekomendar nga piyansa alang sa maong kaso. Gipahibalo usab ang dinakpan sa iyang mga katungod isip usa ka indibidwal, ug anaa na sa kustodiya sa Kidapawan City Police Station.
