Nagpahigayon og koordinasyon nga panagtigom ang Alamada Municipal Police Station, kauban ang mga force multipliers gikan sa KARANCHO, VANGUARD ug SOCOM aron palig-onon ang panagtambayayong sa pagpangandam alang sa Undas 2026.
Gitutokan sa panagtigom ang pagtinabangay sa mga grupo, pagpasabot sa tagsa-tagsa nilang papel ug responsibilidad sa seguridad ug pagplano sa epektibong pagdeploy sa mga personnel, ilabina sa mga sementeryo ug uban pang dapit nga gilaoman nga daghang tawo ang motambong.
Pinaagi sa hiniusang paningkamot sa Alamada MPS ug mga force multipliers, tumong nga mapadayon ang kalinaw ug kahapsay, masiguro ang kaluwasan sa publiko ug mahatagan ang katawhan og luwas ug malinawon nga paghandom sa ilang mga namatay nga minahal sa kinabuhi.
Photo courtesy:PNP Almada Municipal Police Station
