Nadakpan sa kapulisan ang usa ka lalaking wanted person atol sa intelligence-driven law enforcement operation sa Barangay Palomoc, lungsod sa Titay, Zamboanga Sibugay niaging adlaw.
Ang operasyon gipahigayon sa Tracker Team sa Titay Municipal Police Station kauban ang Zamboanga Sibugay 2nd Provincial Mobile Force Company o 2nd PMFC, nga miresulta sa pagdakop sa usa ka ulitawo ug residente sa Barangay San Isidro, Titay. Ang pagdakop gihimo pinaagi sa warrant of arrest tungod sa kasong adultery ubos sa Article 333 sa Revised Penal Code.
Ang maong warrant gi-isyu sa Municipal Circuit Trial Court sa Ninth Judicial Region, Naga-Titay, Zamboanga Sibugay, niadtong Oktubre 27, 2026, nga adunay girekomendar nga piyansa nga nagkantidad og 36 mil pesos.
Sa pagkakaron, anaa na sa kustodiya sa Titay Municipal Police Station ang nadakpang lalaki alang sa hustong disposisyon sa iyang kaso.
