Nagpadayon ang Department of Trade and Industry o DTI sa pagpalig-on sa kalamboan sa mga komunidad sa Zamboanga Sibugay pinaagi sa Rural Agro-enterprise Partnership for Inclusive Development and Growth o RAPID Growth Project.
Lakip sa mga kalihokan nga may kalabotan niini ang groundbreaking sa Junction Mount View–San Vicente Farm-to-Market Road sa lungsod sa Payao , ubos sa Rapid Growth Fiscal Year 2026 Program. Gilauman nga pinaagi niini, mas mapalambo ang konektibidad sa mga komunidad sa panguma ug mapadali ang pagdala sa mga produktong agrikultural ngadto sa merkado.
Dako ang gilauman nga mahimong benepisyo niini sa mga mag-uuma ug lokal nga negosyante tungod kay ang mas maayong kalsada makatabang sa pagpakunhod sa kalisod sa transportasyon ug pagpalapad sa oportunidad sa pagbaligya sa ilang mga produkto.
Pinaagi sa pagtinabangay sa DTI, DILG, lokal nga panggamhanan ug uban pang ahensya, padayon nga gipalig-on ang mga inisyatiba nga nagtumong sa pagpalambo sa agrikultura, lokal nga negosyo ug panginabuhian sa katawhan.
