Posibleng iurong sa mga manufacturer sa Pilipinas ang ilang mga plano sa pagpalapad sa negosyo sa 2027 tungod sa padayon nga paghuyang sa kantidad sa piso batok sa dolyar. Sumala sa Federation of Philippine Industries o FPI nagkadako ang gasto sa operasyon sa mga kompanya ilabi na sa pagpalit sa mga imported nga hilaw nga materyales makinarya ug uban pang kinahanglanon sa produksyon.
Gipasabot sa grupo nga prayoridad sa mga manufacturer nga mapadayon ang ilang operasyon ug mapabilin ang kasamtangang mga empleyado bisan pa man nga posibleng isuspenso una ang ilang mga plano sa pagpalapad sa negosyo.
Dugang pa dili dayon ipasa sa mga kompanya ngadto sa mga konsumidor ang tanang pagsaka sa gasto aron malikayan ang dugang nga pagsaka sa presyo sa mga produkto ug ang posibleng pagkunhod sa panginahanglan sa merkado.
Gawas sa paghuyang sa piso giatubang usab sa industriya ang mahal nga presyo sa kuryente ug transportasyon lakip ang mga problema sa pantalan nga nakaapekto sa pag-apod-apod sa mga produkto.
Photo courtesy: Federation of Philippine Industries FPI
