Nakadaog ang Filipino surfer nga si John Mark “Marama” Tokong batok sa Brazilian surfer nga si Samuel Pupo sa unang hugna sa World Surf League Championship Tour Philippines Pro nga gipahigayon sa Cloud 9, Siargao niadtong Nobyembre 1, 2026.
Nakarekord si Tokong og kinatibuk-ang 16.60 puntos samtang 11 puntos lamang ang nakuha ni Pupo nga nakapahimo sa Filipino surfer nga makasulod sa ikaduhang hugna sa kompetisyon.
Apan wala nagdugay ang kampanya ni Tokong human siya mapildi sa Australian surfer nga si Ethan Ewing sa Round 2. Nakakuha si Ewing og 14.50 puntos kumpara sa 11.54 puntos ni Tokong.
Samtang nagpadayon ang kompetisyon diin gilauman nga makapakita usab sa ilang abilidad ang ubang Filipino surfers. Ang maong torneyo mao ang unang World Surf League Championship Tour nga gipahigayon sa Pilipinas / ug gikatakdang molungtad hangtod Nobyembre 10 ning tuiga.
Photo courtesy: Filipino in Germany
