Gikatakdang ipahigayon sa lungsod sa Ipil sa Nobyembre 28 ug 29 ang LegisHear: Bawat Batas Mahalaga initiative sa House of Representatives aron mapaduol sa katawhan ang mga konsultasyon sa lehislasyon ug serbisyo sa gobyerno.
Mokabat sa 46 ka representante gikan sa nagkalainlaing national government agencies, local government units ug mga opisina sa congressional representatives sa unang ug ikaduhang distrito ang mitambong sa inisyal nga koordinasyon.
Tumong niini nga mahatagan og higayon ang mga residente nga ipahayag ang ilang mga problema, panginahanglan ug suhestiyon nga mahimong ikonsiderar sa mga diskusyon sa paghimo og balaod.
Lakip usab sa kalihokan ang paghatag og nagkalainlaing serbisyo sa gobyerno aron mas mapaduol kini sa mga benepisyaryo sa probinsya.
