Gipahigayon kagahapong adlawa, Nobyembre 4, 2026, ang orientation sa Juander Radyo Loyalista Inc. sa Barangay Tenan, lungsod sa Ipil, Zamboanga Sibugay, diin gitambongan sa mga residente nga kadaghanan mga senior citizen.
Tumong sa maong kalihokan nga ipaila sa mga partisipante ang organisasyon, ang mga programa ug serbisyo niini, lakip na ang mga inisyatibo nga nagtumong sa pagtabang sa mga kabus ug nanginahanglan nga sektor sa komunidad.
Gihatagan usab og higayon ang mga mitambong nga masabtan ang tumong ug pamaagi sa pag-apil sa organisasyon, ingon man ang mga benepisyo ug tabang nga mahimong mahatag pinaagi sa ilang mga programa.
Pinaagi niini, gilauman nga mas daghang residente, ilabina ang mga senior citizen, ang mahibalo ug makasabot sa mga serbisyo sa Juander Radyo Loyalista Inc. nga nagdala sa diwa sa pagtinabangay, pagpakabana ug pagserbisyo sa komunidad.
