Nadakpan sa kapulisan ang usa ka lalaki nga gikonsiderar nga Top 10 Regional Most Wanted Person tungod sa kasong Qualified Rape of a Minor sa Barangay Landan, Polomolok, South Cotabato niadtong Nobyembre 4, 2026.
Giila ang dinakpan sa Alyas nga Robin, hamtong ang pangidaron ug residente sa nasampit nga lugar. Gipahigayon ang manhunt operation sa mga personahe sa 1205th Maneuver Company sa Regional Mobile Force Battalion 12, ubos sa pagpangulo ni PCPT Leon P. Siringan Jr., kauban ang Polomolok Municipal Police Station ug nagkadaiyang intelligence units.
Ang pagdakop gipahigayon pinasikad sa warrant of arrest nga gi-isyu sa Regional Trial Court Branch 13, Family Court, Polomolok, niadtong Oktubre 19, 2026. Duha ka counts sa Qualified Rape of a Minor ang giatubang sa dinakpan ubos sa Criminal Case Nos. 9221-26 ug 9222-26, diin walay piyansa nga girekomendar sa korte.
Gipailalom na sa kustodiya sa Polomolok MPS ang dinakpan alang sa hustong disposisyon.
Photo courtesy: ASTRON RMFB XII
