Nakarekord ang Police Regional Office 12 og 109 ka operasyon batok sa mga loose firearms gikan Oktubre 26 hangtod Nobyembre 1, 2026, nga miresulta sa pagkasikop sa walo ka indibidwal ug pagsurender o pagkarekober sa 116 ka armas sa tibuok rehiyon sa SOCCSKSARGEN.
Sa datos sa PRO 12, nanguna ang Cotabato Police Provincial Office nga nakahimo og 40 ka operasyon, unom ka nadakpan ug 43 ka armas nga nasurender o nakumpiska.
Sa General Santos City, nakarekord og 13 ka operasyon, usa ka nadakpan ug 13 ka armas nga nasurender o nakarekober. Samtang 26 ka operasyon ang gihimo sa South Cotabato, 17 sa Sultan Kudarat ug 13 sa Sarangani.
Gipasiugda ni PRO 12 Regional Director PBGEN Alan B. Manibog ang pagpadayon sa operasyon ug kooperasyon sa komunidad aron mapugngan ang pagdaghan sa mga dili lisensyadong armas ug mapadayon ang kalinaw ug seguridad sa rehiyon
Photo courtesy: PRO 12
