Dakpan ang usa ka 45-anyos nga lalaki nga nalista isip Street-Level Individual o SLI atol sa implementasyon sa search warrant sa Purok Maswerte, Barangay Cawa-cawa, Dapitan City, Zamboanga del Norte, niadtong Nobyembre 4, 2026.
Narekober sa operasyon ang gibana-banang lima ka gramos sa gituohang shabu nga mobalor sa P34,000.00, lakip na ang nagkalain-laing drug paraphernalia.
Gipahigayon ang operasyon sa mga operatiba sa Dapitan City Police Station, kauban ang Mabuhay SBC 5th SOU, RID9 ug 1st ZNPMFC, pinasikad sa Search Warrant Number EJ-SW No. 37-26 nga gi-isyu sa Regional Trial Court sa Dipolog City pinitshan niadtong Oktubre 30, 2026.
Ang dinakpan gidala gilayon ngadto sa kustodiya sa Dapitan CPS alang sa tukmang disposasyon samtang ang mga nakuhang ebidensiya gisumiter ngadto sa Zamboanga del Norte Provincial Forensic Unit-9 alang sa eksaminasyon.
Photo Courtesy: ZNPPO
