Gipangunahan sa Zamboanga del Norte 1st Provincial Mobile Force Company (ZNPMFC) ang Purok Kalusugan pinaagi sa ilang programang “Revitalized-Pulis sa Barangay” (RPSB) niadtong Nobyembre 3, 2026. Tumong sa maong proyekto nga mas mapadool ug mapalambo ang serbisyong panglawas sa komunidad.
Ang mga gitanyag nga serbisyo sa Purok Kalusogan mao ang mga musonod, sama sa Basic Health Check-ups, Konsultasyon ug pagsusi sa panglawas. Maternal & Child Healthcare, Pag-atiman sa mga mabdos ug mga bata. Immunization & Nutrition Programs, Pagbakuna ug pagsumpo sa malnutrisyon. Disease Prevention, Pag-monitor sa alta presyon, diabetes, ug uban pa.
Natukod ang Purok Kalusogan sa pagtinabangay sa mga ahensiya sama sa Zamboanga del Norte 1st Provincial Mobile Force Company (1st ZNPMFC) ubos sa RPSB Team, Municipal Health Office, Local Government Unit (LGU) sa Mutia, Barangay Council sa Sto. Tomas, kauban ang mga opisyal sa barangay ug mga Barangay Health Workers (BHWs) nga maoy mupatuman sa adlaw-adlaw nga serbisyo ug profiling sa mga pasyente.
Kini nga Purok Kalusogan usa ka batakan nga panginahanglan sa mga lomolopyo sa maong barangay ilabina sa pagmintinar ug pag-atiman sa maayong panlawas ug pag-alagad sa katawhan pinaagi sa pagtinabangay sa tanang mga lokal nga ahensiya.
