Nagmalinawon ug hapsay ang kinatibuk-ang paghandum sa Undas 2026 sa dakbayan sa Malaybalay human walay natala nga bisan unsang insidente o tawo nga misulod sa mga sementeryo nga nagdala og mga gidiling butang.
Sa usa ka ekslusibong pakighinabi ning sibyahan, gibutyag ni Malaybalay City Police Station OIC PLTCOL Ariel Philip I. Pontillas nga dako ang nahimong kabag-ohan ug kaabag sa publiko tungod sa ilang pagtuman sa mga gipagawas nga pahimangno ug patakaran alang sa siguridad sulod sa mga sementeryo.
Sumala pa, gawas sa mga regular nga opisyal, gi-augment usab ang mga 20 ka personnel nga kasamtangang nag-undergo sa Basic Internal Security Operations Course (BISOC) aron motabang sa pagpabilin sa hapsay nga sitwasyon ug maghatag og dugang seguridad sa mga bisita
Gawas sa pagbantay sa mga ganghaan ug sulod sa sementeryo, nagpadayon gihapon ang monitoring sa mga intelligence operative sa kapulisan aron masuta ug mapugngan ang bisan unsang iligal nga kalihokan lakip na ang iligal nga sugal. Gipaniguro sa kapulisan nga magpabilin silang mag-duty ug mag-roving sa mga sementeryo hangtod makagawas ang tanang mga tawo sa maong mga dapit.
Photo courtesy: PNP Malaybalay City Station
