Nagpadayon ang pag-apod-apod og bugas ngadto sa mga pamilyang benepisyaryo sa nagkadaiyang barangay sa lungsod sa Buug, lalawigan sa Zamboanga Sibugay, isip kabahin sa Bawat Bayan Makikinabang Rice Distribution Program nga inisyatibo ni Presidente Ferdinand “Bongbong” Marcos Jr.
Tumong sa maong programa nga makatabang sa mga pamilyang nanginahanglan pinaagi sa dugang nga suplay sa bugas aron masiguro ang pagkaon sa matag lamesa. Gipangunahan ang paghatod sa maong ayuda pinaagi sa paningkamot ni Governor Dr. Ann K. Hofer, kauban ang mga barangay kapitan ug lokal nga mga lider sa lungsod.
Gipasiugda usab nga importante ang lig-ong panag-uban sa nasyonal ug lokal nga kagamhanan aron mapalig-on ang seguridad sa pagkaon ug masiguro nga maabot ang tabang ngadto sa mga pamilyang labing nanginahanglan. Nagpadayon ang probinsyal nga kagamhanan sa pagpalapad sa mga programa nga nagtumong sa kaayohan ug kalamboan sa matag Sibugaynon.
