Gisilotan og 30 ka bulan nga pagkabilanggo ang duha ka Chinese nationals nga sila si Liren “Ryan” Lai ug Yuance Chen sa Estados Unidos human miangkon nga sad-an sa pagpangrekrut og mga miyembro sa US military aron mangolekta og sensitibong impormasyon alang sa gobyerno sa China.
Base sa datos sa US Department of Justice, migamit ang duha sa pamaaging “dead drop” diin nagbilin og liboan ka dolyar sa gitakdang mga lugar isip bayad sa impormasyon.
Nasayran nga gawas sa pagka priso, mag-atubang usab sila og tulo ka tuig nga supervised release o pagmonitor sa mga awtoridad human sa ilang pagpagawas.
Photo courtesy: K12- Drive
