Gibalhin sa Costa Rica ang unang 123 ka bilanggo ngadto sa bag-ong maximum-security prison sa gawas sa San José, isip kabahin sa gipakusog nga kampanya sa gobyerno batok sa organisadong kriminalidad.
Sumala sa Justice Ministry, ang pasilidad nga gitawag og High Containment Center against Organized Crime o CACCO gitukod sa tabang sa gobyerno sa El Salvador. Aduna kini kapasidad nga maka-accommodate og hangtod sa 5,100 ka bilanggo.
Matod ni Justice Minister Gabriel Aguilar, kabahin ang pasilidad sa mas hugot nga pamaagi ni Presidente Laura Fernandez sa pagpakigbatok sa organisadong krimen. Gilauman usab nga makatabang kini sa pagpakunhod sa sobrang kadaghan sa mga bilanggo sa mga prisohan sa maong nasud.
Ang Costa Rica, nga kaniadto giisip nga usa sa labing luwas nga mga nasud sa Latin America, nakasinati sa pagsaka sa kapintasan nga nalambigit sa pagpamaligya og ilegal nga droga ug organisadong kriminalidad.
Photo courtesy: Al Jazeera
