Namatay ang usa ka bata sa Lewis County, amihanan sa New York, human matakdan sa tigdas. Kini ang unang kamatayon nga nalambigit sa maong sakit sa estado sulod sa 30 ka tuig, sumala sa mga opisyal sa panglawas.
Gipamahayag ni New York Governor Kathy Hochul nga nasubo siya sa insidente ug dili niya mahunahuna ang kasakit nga giagian sa pamilya.
Sumala sa Centers for Disease Control and Prevention (CDC), mikabat sa 4,834 ang kaso sa tigdas sa 47 ka estado sa Estados Unidos hangtod Oktubre 29. Giatubang sa nasud ang labing grabeng outbreak sa maong sakit sulod sa 35 ka tuig.
Gideklarar nang napapas ang tigdas sa US niadtong 2000, apan mibalik kini sa ninglabayng mga tuig tungod sa nagkadakong pagduhaduha sa bakuna. Sa grabeng kaso, ang sakit mahimong mosangpot sa pulmonya, paghubag sa utok ug kamatayon.
Photo Courtesy: Mondosanita
