Gipasigarbo sa PRO-10 nga malinawon ug hapsay ang Undas 2026 sa Northern Mindanao, diin kapin 679 mil ka tawo ang mibisita sa mga sementeryo gikan Oktubre 30 hangtod alas tres sa hapon sa Nobyembre 2.
Narekober sa kapulisan ang 413 ka gidili nga butang atol sa inspeksyon. Sa Valencia City, usa ka 39-anyos nga lalaki ang gidakop human makit-an ang gidudahang marijuana sa iyang bag.
Matud ni PRO-10 Spokesperson Joan Navarro nga sa pinakabag-ong monitoring, walay naitalang insidente nga may kalabotan sa Undas sa tibuok rehiyon.
Photo courtesy: PNP Police Regional Office 10
