AR=restado ang 44-anyos nga lalaki human giingong namunal ug nanunggab og buak nga botelya sa iyang silingan atol sa panaglalis sa Purok 1, Sitio San Miguel, Barangay Apas, dakbayan sa Sugbo. Giila ang suspek nga si alyas Ciano, samtang ang biktima mao si alyas Jano, 53 anyos.
Base sa inisyal nga kasayuran, nagkalalis ang duha sa wala pa giingong bunali sa suspek og botelya sa ilimnong makahubog ang biktima. Sa dihang nabuak ang botelya, gidunggab pa kini sa likod nga bahin sa lawas, hinungdan nga gidala sa tambalanan.
Atol sa pagpangutana sa kapolisan, mihimakak ang suspek sa alegasyon ug nangatarongan nga siya hinuoy gibunalan og tubo sa biktima.
Photo Courtesy: File Photo
