Nagkaroon ng magkasalungat na pahayag sa loob ng Bangsamoro Grand Coalition o BGC kaugnay ng bisa ng resolutions number 12 at 13, series of 2026, na may kaugnayan sa botohan para sa pagpili ng chief minister ng BARMM at sa umano’y paglabag ng tatlong miyembro ng parlamento sa paninindigan ng kanilang partido.
Sa naunang pahayag ng executive at general party committees ng BGC, itinanggi nila ang pagkakaroon ng wastong pag-apruba sa dalawang resolusyon. Igiinit ng mga komite na hindi ito dumaan sa kaalaman at pahintulot ng lehitimong pamunuan kaya hindi umano ito dapat ituring na opisyal na paninindigan ng koalisyon.
Ngunit sa kabila nito, igiinit naman ng pangulo ng bgc na lehitimong ipinasa at inaprubahan ang dalawang resolusyon sa isang special meeting noong Oktubre bente-nuebe, dos mil bente-sais.
Sa Resolution Number 12, nakasaad ang paninindigan ng bgc na huwag bumoto o mag-abstain sa pagpili ng chief minister ng BARMM. Samantala, layunin naman ng resolution number 13 na ipatawag ang committee on discipline upang suriin at imbestigahan ang ginawang hakbang ng tatlong mp-elect na umano’y sumalungat sa paninindigan ng partido.
Sa ngayon, nananatiling magkasalungat ang mga pahayag ng mga opisyal ng BGC hinggil sa pagiging lehitimo ng mga resolusyon, kaya mahalagang malinaw na maipaliwanag kung sino ang may wastong kapangyarihan na magpasa at magpatupad ng mga desisyon sa loob ng koalisyon.
