Napuno sa kalipay ang gipahigayon nga 2nd Dealers and Coordinator Christmas Party karong adlaw Oktubre 30, 2026 nga gihimo sa Barangay Gymnasium, Nazareth, Cagayan de Oro City.
Gibati ang kalipay, katawa, ug emosyon ang maong kalihokan diin naghiusa ang mga dealers ug coordinators sa Cagayan de Oro ug Misamis Oriental aron sa pagsaulog sa ilang panaghiusa ug panaghigalaay.
Usa sa mga nahimong highlight sa programa ang nagkadaiyang drama presentations nga naghatag og kalingawan ug emosyon sa mga nanambong. Midugang usab sa kahinam ang nagkadaiyang raffle prizes, lakip na ang tulo ka dagkong papremyo nga nakuha sa tulo ka swerte nga dealers: motorsiklo alang sa unang ganti, speaker alang sa ikaduhang ganti, ug flat-screen television alang sa ikatulong ganti.
Mitambong usab sa maong kalihokan ang mga dinapit nga bisita mao si JuanderMan Richard Soriano Villaronte President and Chief Executive Officer sa RSV Group of Companies, kauban si Ms. Maria Luz Egdane-Agsaluna, Vice President of Operations sa RSV Broadcasting Network Incorporated, ug Ms. Cherelyn Bautista-Israel, Vice President of Operations sa RSV LifeCare Marketing Incorporated.
Usa usab sa mga gipanghinangop sa mga nanambong ang espesyal nga live performances sa mga Drama Artists gikan sa Juander Radyo Production Center sa Cebu nga mas midugang sa kalingawan ug kalipay sa tibuok programa.
Labaw pa sa mga papremyo ug kalingawan, nahimong higayon ang maong panagtigom aron mapasalamatan ang padayong suporta, dedikasyon, ug paningkamot sa mga dealers ug coordinators nga kabahin sa kalamboan sa Juander Radyo Loyalista sa Cagayan de Oro ug Misamis Oriental.
Usa kini ka pagsaulog sa panaghiusa, panaghigalaay, ug kalampusan isip usa ka pamilya sa RSV Group of Companies.
