Nahimong sadya ug puno sa kalingawan ang Dealers and Coordinators Christmas Party 2026 nga gipahigayon karung adlawa Oktubre 13, 2026, sa Dipolog Sports Complex, Barangay Olingan, Dipolog City.
Gipangunahan ang maong kalihokan ni RSV Group of Companies President ug CEO Mr. Richard S. Villaronte, uban ni RSV Broadcasting Networking Inc. Vice President for Operations Ms. Maria Luz Egdane-Agsaluna, ug RSV Lifecare Marketing Inc. Vice President for Operations Cherelyn Bautista-Israel.
Naghatag og dugang kalingawan sa mga dealers ug coordinators ang live drama presentation sa mga personahe sa Juander Radyo Drama Production Center, diin personal nilang nasaksihan ang pasundayag sa mga dramatista.
Malipayon usab nga gidawat sa mga partisipante ang ilang mga give-away, lakip ang mga bag, T-shirt ug kalendaryo isip handumanan sa maong selebrasyon.
Atol sa mensahe ni RSV Group of Companies President ug CEO Mr. Richard S. Villaronte, gipasiugda nini ang kamahinungdanon sa pagpasayloay ug panaghigugmaay, ilabina sa panahon sa kapaskuhan.
Gihimo usab ang raffle draw alang sa mga dagkong premyo, lakip ang motorsiklo, speaker ug telebisyon, nga dugang nakahatag og kahinam sa mga misalmot.
Nahimong higayon ang maong kalihokan aron magtapok ang mga dealers ug coordinators, mapalig-on ang panag-uban ug masinati ang kalipay ug diwa sa panaghiusa sa panahon sa Pasko.
