Nakumpiska sa Cotabato Police Provincial Office (CPPO) ang duha ka ream ug unom ka pakete sa gituohang mga smuggled cigarette atol sa kampanya batok sa ilegal nga sigarilyo. Sumala sa report sa CPPO, usa ka operasyon ang natala sulod sa 24 oras, gikan Oktubre 11-12.
Gibanabana sa kapulisan sa ₱2,224.82 ang kinatibuk-ang kantidad sa nakumpiskang sigarilyo. Bisan limitado ang gidaghanon sa nasakmit, kabahin kini sa padayong paningkamot sa kapulisan batok sa pagpamaligya ug pag-apod-apod sa ilegal nga produkto.
