Patay ang usa ka rider nga residente sa Barangay Cabaruyan, Libungan, human maaksidente sa National Highway, Barangay Poblacion 8, Midsayap, Cotabato, sa tungang gabii sa Oktubre 11. Ang biktima giila sa ngalan na si Joey Antipuesto Arapoc.
Base sa mga report, nawad-an og balanse ang motorsiklo nga gimaneho sa biktima human makaligis og iro nga mitabok sa dalan, hinungdan nga natumba siya ug naligsan sa duha pa ka motorsiklo nga nagsunod kaniya.
Nabilin sa biktima ang iyang asawa ug mga anak nga gagmay pa, samtang nanawagan ang pamilya sa mga nakasaksi o adunay impormasyon kalabot sa aksidente nga moduol kanila aron matabangan sila sa pagpangita sa kamatuoran ug pagpanubag sa mga may kalabotan sa insidente. Gipasiugda usab sa maong panghitabo ang kabalaka sa mga residente kalabot sa mga iro nga gala sa maong bahin sa highway ug sa posibleng peligro niini sa mga motorista.
Photo courtesy:Jay Ar Gajeto
