Gipangunahan ni President Roxas Mayor Jaime H. Mahimpit ang inspeksyon sa mga armas nga gigamit sa mga kapulisan sa President Roxas Municipal Police Station niadtong buntag, Oktubre 12, 2026, uban si Chief of Police PMaj. Jose Ryan B. Feranil.
Tumong sa maong inspeksyon nga masusi ang kondisyon ug kaandam sa mga armas nga gigamit sa kapulisan sa pagtuman sa ilang mga katungdanan, ilabi na sa pagmintinar sa kalinaw ug kahapsay sa lungsod.
Nagpakita usab ang maong kalihokan sa padayong suporta sa administrasyon ni Mayor Mahimpit sa pagpalig-on sa seguridad ug pagpalambo sa kaandam sa kapulisan, alang sa usa ka malinawon, luwas ug progresibong lungsod sa President Roxas.
Photo courtesy: PRESIDENT ROXAS MPS
