Patay na ang 23-anyos nga si Angel Ubas Malang human nakit-an sa sapa sa Sitio Asinan, Barangay Balnate, Magsaysay, Davao del Sur, alas-1 sa hapon niadtong Nobyembre 2, 2026.
Matud ni Novie Atol, naanod ang biktima sa sapa sa Malungon niadtong Oktubre 31, human misulay sa pagtabok uban sa iyang pag-umangkon.
Base sa pamilya, nawad-an og balanse ang biktima samtang mitabok sa nagbaha nga sapa ug gipili nga unahon ang kaluwasan sa iyang pag-umangkon, hinungdan nga nadala siya sa kusog nga bul-og sa tubig.
Samtang, nakigkoordinar na ang pamilya sa lokal nga panggamhanan alang sa hustong pagdumala sa patayng lawas.
