Giatake gamit ang sundang ang duha ka mag-uyuan sa ilang kaugalingong kabanay sa Sitio Kalubihan, Barangay Tacul, Magsaysay, Davao del Sur, alas 9 sa gabii niadtong Nobyembre 1, 2026.
Sumala sa Magsaysay Municipal Police Station, giila ang mga biktima nga sila si alyas Julius ug alyas Nemar, samtang ang mga suspek mao ang mag-amahang sila si alyas Ping ug alyas Bart.
Nasayran nga unang gitigbas ni Ping ang iyang pag-umangkon nga si Julius, apan sa dihang misulay sa pagbadlong ang iyang igsuong si Nemar, naapil usab kini sa panigbas.
Gidala dayon sa tambalanan ang duha ka samdan pinaagi sa tabang sa mga opisyal sa barangay. Samtang, nagpadayon ang operasyon sa kapulisan aron madakpan ang mag-amahang suspek nga mikalagiw human sa krimen.
