Gihisgutan sa Social Security System o SSS Digos Branch ang bag-ong UPLIFT Assistance Program atol sa pakighinabi sa Juander Radyo Digos News Team Nobyembre 3, 2026. Tumong sa maong programa nga makahatag og dugang pinansyal nga suporta sa mga kwalipikadong miyembro sa SSS, ilabina sa mga ubos og kita.
Ubos sa programa, ang kwalipikadong benepisyaryo mahimong makadawat og hangtod ₱8,000 nga tabang, nga gibahin sa upat ka hugna nga tag-₱2,000. Gihatagan usab og pagtagad ang mga kwalipikasyon ug mga kinahanglanon aron makabenepisyo sa maong programa.
Gidasig ang mga miyembro nga makigkoordinar sa SSS Digos Branch aron masuta ang ilang eligibility ug mahibal-an ang dugang impormasyon bahin sa UPLIFT Assistance Program.
