Nasikop sa hiniusang operasyon sa Davao del Sur Police Provincial Office ug kaubang yunit sa kapulisan ang Top 1 Municipal Most Wanted Person sa Kabacan, North Cotabato, sa Barangay Cogon, Digos City, alas 12:10 sa udto, niadtong Nobyembre 2, 2026.
Giila ang suspek nga si alyas “Tagalog,” nga giatubang ang mga kasong statutory rape, sexual assault ug lascivious conduct. Ang pagdakop gipangunahan sa Provincial Intelligence Unit ubos sa pagdumala ni Police Colonel Werenfredo Regidor Jr., Provincial Director sa DSPPO.
Ang warrant of arrest giisyu sa Regional Trial Court Branch 22 sa Kabacan, North Cotabato, nga walay girekomendang piyansa. Ang suspek anaa karon sa kustodiya sa Digos City Police Station, samtang gihulat ang pagtugyan niini ngadto sa Kabacan Municipal Police Station alang sa hustong proseso.
