Dakpan ang usa ka 40-anyos nga lalaki nga bag-o pa nailhang Street-Level Individual o SLI atol sa gipahigayong drug buy-bust operation didto sa Purok 1, Barangay Minlasag, Sibutad, Zamboanga del Norte niadtong, Oktubre 30, 2026.
Narekober gikan sa dinakpan ang tulo ka heat-sealed plastic sachet nga adunay sulod sa gituohang shabu, nga adunay gibug-aton nga mokabat sa duha ka gramo ug gibanabanang mobalor sa 13,600 pesos. Gawas sa gituohang ilegal nga droga, nakumpiskar usab ang 500 pesos nga gigamit isip buy-bust money ug uban pang mga non-drug items.
Gipangunahan ang operasyon sa Municipal Drug Enforcement Team sa Sibutad Municipal Police Station, kauban ang Provincial Intelligence Unit, Drug Enforcement Unit sa ZNPPO ug Regional Intelligence Division 9 nga mi-resulta sa pagkasikop sa maong suspetsado.
Ang dinakpan gidala gilayon sa Sibutad MPS alang sa tukmang disposasyon, samtang ipadala sa Zamboanga del Norte Provincial Forensic Unit 9 ang nakumpiskar nga gituohang illegal nga drugas alang sa eksaminasyon.
