Walay sukod ang kalipay sa dul-an tres mil ka mga Coordinators ug Dealers nga mitambung sa Dealers and Coordinators Christmas Party nga gipahigayon ning adlawa Oktubre 26, 2026, sa Pagadian Capitol College, Barangay Bulatok, Pagadian City.
Ang kalihukan gitambungan mismo sa RSV Group of Companies CEO and President Richard Soriano Villaronte uban ni Vice President for Operation sa RSV Broadcasting Network Incorporated Maria Luz Egdane-Agsaluna ug si Vice President for Operations sa RSV Lifecare Marketing Incorporated Cherelyn Bautista-Israel.
Nahimong highlights sa maong kalihukan ang pagpahigayon sa raffle draw sa tulo ka mga major prizes nga gilangkuban sa mga Brand New Single Motor XRM 125, Samsung Bluetooth speaker ug 32 inches Flatscreen Television.
Kulbahinam ang nahimong pagpili sa mananaug sa maong mga major prizes diin napili isip 3rd prize winner si Junilyn Masicampo nga naka-angkon sa 32 inches FlatscreenTV.
2nd prize winner si Ramil Donald taga Purok 4, Bag-ong Argao, Molave, Zamboanga del Sur nga naka-angkon sa Samsung Bluetooth Speaker.
Samtang ang nakakuha sa 1st Prize mao si Erwin Albarico, taga Dontulan, Molave, Zamboanga del Sur nga naka-angkon sa single motor XRM 125.
Sa maong kalihukan mihatag sab ug lingaw sa tanang mitambong ang mga dramatista gikan sa Sugbo pinaagi live drama presentation nga giuluhan og “Krus nga Dalan”.
Gihatagan usab ug mga award ang nahimong Top 5 dealers sa Tubod Branch ug Pagadian Branch isip pag-ila sa ilang kakugi ug mga paningkamot.
Sa maong kalihukan, nagpasamat si CEO Richard S. Villaronte sa tanang Coordinators and Dealers sa ilang gipakitang suporta alang sa pagkab-ot sa tumong sa kompanya.
