Puno sa diwa sa kasadya ug kalipay ang gipahigayong Dealers and Coordinators Christmas Party sa RSV Group of Companies, karong adlawa Oktobre 15,2026, nga gitambongan sa mga management team gikan sa head office, mga dealers, ug coordinators ug ang tibuok pwersa sa Juander Radyo Ipil.
Presente sa maong kalihokan ang CEO-President sa RSV Group of Companies nga si Sir Richard Soriano Villaronte, uban sa Vice President sa RSV Broadcasting Network Incorporated nga si Ms. Maria Luz Egdani-Agzaluna, ug ang bag-ong Vice President sa RSV Lifecare Marketing Incorporated nga si Ms. Cherelyn Bautista-Israel.
Tumong sa maong kalihokan, ang panaghiusa ug lig-ong panag-uban tali sa management, dealers, ug coordinators. Dugang pa, ang gisaulog nga Christmas Party sa mga dealers ug coordinators usa ka makahuluganon nga higayon sa pagpalig-on sa panaghiusa, pagtinabangay, ug maayong relasyon sa matag usa. Dili lamang kini panahon sa pagsaulog sa Pasko, kondili usa usab ka higayon sa pagpasalamat sa mga paningkamot, dedikasyon, ug kontribusyon sa matag miyembro sa tibuok tuig.
Ang Pasko nagpahinumdom kanato sa bili sa gugma, pagkamanggihatagon, pagpasaylo, ug pagpasalamat. Hinaot nga ang kalipay ug panaghiusa nga nasinati sa maong kalihokan magpadayon dili lamang panahon sa Pasko, kondili sa matag adlaw nga panerbisyo ug pagtrabaho sa matag-usa.
