Gihatagan og pag-ila ang 24 ka mga coordinators sa Upper Pulangi Cluster atol sa Fellowship ug Awarding Ceremony nga gipangunahan mismo ni sir Richard Soriano Villaronte uban sa Network Special Project Head ma’am Ruby Burlaos. Ang kalihokan gipahigayon sa Purok 5, Brgy. Zamboanguita, Malaybalay City, karong adlawa Mayo 31, 2025.
Ang maong kalihokan nagtumong sa pagpasidungog sa mga coordinators nga nagpakita og dugay ug matinud-anong pagserbisyo sa komunidad. Sa awarding ceremony, unom ka coordinators ang giila tungod sa ilang 10 ka tuig nga serbisyo, samtang 12 usab ang nakadawat og pag-ila alang sa kapin lima ka tuig nga pag-alagad.
Sa pagkakaron, adunay kinatibuk-ang 25 ka aktibong coordinators ang Upper Pulangi Cluster nga padayon nga nagserbisyo ug nagtinabangay alang sa kaayohan sa organisasyon sa pagpanguna ni Mr. Reverend Venerando Autida Cluster Head.
Matod ni ma’am Maria Luz Egdane-Agsaluna Vice President for Operations of RSV Broadcasting Network Incorporated, ang tumong niini nga kalihokan ang pagpasalamat sa dedikasyon ug komitment sa mga dugay nang boluntaryong nagserbisyo.
Samtang gipasiugdahan usab ni sir Richard Soriano Villaronte, nga ilhon ug pasidunggan ang walay puas nga suporta kini nga kalihokan timailhan nga wala gikalimtan ang organisasyon. Ang tumong ug tuyo niini mao ang magkahiusa og pagtinabangay.
“Ang pagtabang dili na unya-unyaon” nagpasabot nga kung adunay higayon sa pagtabang sa uban, kinahanglan kini buhaton dayon ug dili na paugmaan. Ang usa ka yano nga tabang mahimong dako og epekto sa kinabuhi sa usa ka tawo nga nanginahanglan.
Ang tinuod nga pagkamahinatagon makita dili lamang sa atong mga pulong kondili sa atong mga lihok. Busa, kon adunay oportunidad sa pagbuhat og maayo, ayaw kini langaya kay ang pagtabang nga gihimo sa hustong panahon mahimong makausab sa kinabuhi sa uban.
