Giablihan na sa IGACOS City Jail ang bag-ong pickleball court isip kabahin sa ilang programa alang sa kahimsog ug kaayohan sa mga Persons Deprived of Liberty (PDL) ug mga personnel sa pasilidad.
Tumong niini nga mapalambo ang pisikal nga kahimsog, disiplina, panaghiusa ug maayong panglawas ug pangisip pinaagi sa aktibong pagdula og sports.
Gawas sa basketball, mahimo na usab nga makadula og pickleball ang mga sakop sa jail facility diin mapakita ang abilidad sa dali nga reflexes, estratehiya ug teamwork sulod sa duwa.
Gitawag usab ang ilang grupo nga “Jailhouse Dinkers” nga andam na sa pag-apil sa maong dula sulod sa luwas ug organisadong palibot.
Sumala sa IGACOS City Jail, ang maong inisyatiba kabahin sa ilang pamaagi sa rehabilitasyon diin dili lamang pagdisiplina ang ilang gipasiugda kundili usab ang paghatag og maayong kalingawan, personal nga pagtubo ug himsog nga kompetisyon alang sa mga PDL.
Photo Courtesy : BJMP – IGACOS City Jail
